මීට පෙර විශාල වශයෙන් මත්කුඩු අත්අඩංගුවට ගත්තත් ඒ හා සම්බන්ධ ප්‍රබලයන් කිසිවකුට දඬුවම් නොදුන්නත් වත්මන් ආණ්ඩුව එම තත්ත්වය වෙනස් කරමින් මත්කුඩු ජාවාරම්වලට සම්බන්ධ සියල්ලන්ටම දඬුවම් දීමට කටයුතු කළ යුතු බව උන්වහන්සේ වැඩිදුරටත් පැවැසූහ.
මත්කුඩු ව්‍යාපාරයට සම්බන්ධ ප්‍රබලයන්ට පසුගිය සමයේ විශාල වශයෙන් දේශපාලන රැකවරණ හිමි වූ නිසා 'වෙලේ සුදා' නම් හෙළි කළ දේශපාලනඥයන්ගෙන් ප්‍රශ්න කිරීම හෝ සිදු කිරීම ප්‍රමාද වන්නේ ඔවුන්ට වත්මන් රජයේ දේශපාලන රැකවරණ ලැබී ඇති නිසා දැයි ජනතාව කෙරෙහි සැකයක් ඇතිවී තිබෙන බවද මාදුළුවාවේ සෝභිත හිමියෝ පැවැසූහ. ඒ නිසා අදාළ වැරැදිකරුවන්ට එරෙහිව නීතිමය ක්‍රියාමාර්ග ගැනීමට රජය වහාම කටයුතු කළ යුතු බව උන්වහන්සේ වැඩිදුරටත් අවධාරණය කළහ.
Post a Comment