.jpg)
විධායක ජනාධිපති ක්‍රමය අහෝසි කරන නව ආණ්ඩුක්‍රම ව්‍යවස්ථා සංශෝධනය යටතේ මහ මැතිවරණයකට යා හැකි බව පෙන්වා දෙන සමරවීර මන්ත්‍රිවරයා එහිදී සිය පක්ෂවල අනන්‍යතාව යටතේ තරග කර පාර්ලිමේන්තු නියෝජනයක් ලබාගෙන නව ආණ්ඩුවක් පිහිටුවාගත හැකි බවද පෙන්වා දෙයි.
පිටකෝට්ටේ සිරිකොත මූලස්ථානයේදී ඊයේ (27දා) පැවැති මාධ්‍ය හමුවකදී මේ අදහස් පළ කළ මන්ත්‍රිවරයා ජනාධිපතිවරණයෙන් පසු තිබෙන භාරකාර සර්වපාක්ෂික ආණ්ඩුවේ කැබිනට් මණ්ඩලයේ වගකීම් වත්මන් ආණ්ඩුවේ නියෝජිතයන්ටද පැවැරෙන බවද කීවේය.
මෙරට ප්‍රධාන පක්ෂ දෙක වූ එජාපය හා ශ්‍රී ලනිපය ඒකාධිපතිවාදයට හා පවුල් පාලනයට එරෙහිව නව ගමනක් යෑමට ඉතා සාර්ථක අඩිතාලමක් දමා ඇතැයි කී මන්ත්‍රිවරයා මෙරට එක්සත් ජාතික පක්ෂයේ මෙන්ම ශ්‍රී ලංකා නිදහස් පාක්ෂිකයන්ගේත් එකම අභිලාෂය හා බලාපොරොත්තුව වූයේ එය බවද පැවැසුවේය.
පාර්ලිමේන්තුවේ සිට ප්‍රාදේශීය සභාව දක්වා මෙතෙක් පැවැති මැතිවරණවල එජාපය හා ශ්‍රී ලනිපය සහභාගි වූයේ එකිනෙකාට සතුරු ආකල්පයකින් බව පැවැසූ සමරවීර මහතා 2015 ජනාධිපතිවරණය ඒ අමිහිරි අතීතය කණපිට හරවා මේ රටේ නව දේශපාලන සංස්කෘතියක් බිහි කරන්නක් වනු ඇතැයිද හෙතෙම කීවේය.
Post a Comment