තොපිට, ජාති ජාතිත් ශාප වේවා....!

මේ ඡායාරූපවලින් දැක්වෙන්නේ, පාහර අලි ජාවාරම්කරුවන් විසින්, සිය මවගේ ඇකයේ රැදෙමින්, වනයේ නිදැල්ලේ සැරිසරමින්, කෙළි දෙළෙන් කාලය ගෙවූ, අහිංසක අලි පැටවුන්ට, නීති විරෝධී ගුබ්බෑයම්වල තබා ගෙන දස වධ දෙමින් තිබෙන ආකාරය ය.

ඇතැම් පැටවකු ගේ, පුඩු ගැසූ කකුල කුණුවෙමින් තිබේ. ඇගිලි ගිලිහී තිබේ.
වඩාත් වේදනාකාරී දෙය නම්, මේ කිසිවකට ඔෟෂධ ලබා නොදීම ය. එහි අරමුණ හදිසි වැටලීමකදී, අලි පැටවා ගේ අසනීප තත්ත්වය කියා තවදුරටත් ජාවාරම කරගෙන යෑමේ අසික්කිත අරමුණ ය.

මෙවැනි අලි පැටියකු ගේ සාමාන්‍ය තක්සේරු වෙළෙද වටිනාකම මිලියන 06කි. අලි පැටවුන් ජාවාරම සිදු වන්නේ ඒ නිසා ය.
මහපොළොව නුහුලන මේවා ඡායාරූපවලින් දකින්නට ලැබීමත්, පවකි.
පාහරයිනිි,

තොපිට විරුද්ධ ව දැනට නඩු 6ක් මෙරට උසාවිවල ඇසෙමින් තිබේ. ඒවාට මුදල් වැය කරන්නට තරම් කුළුණු ගුණ ඇති මිනිස්සු අපේ රටේ තවමත් සිටිති.
ඒවා හැකි ඉක්මනින් ජයග්‍රහණය කරවා, මේ අහිංසක අලි පැටවුන් තොප ගේ අධම භාරකාරත්වයෙන් මුදා නැවතත් ඔවුන් සිටි කැලයට නිදහස් කරවීම අප ගේ ඒකායන අරමුණ ය.

මේ රටේ හිරගෙවල් තිබෙන්නේ තොපි වැනි තිරිසනුන්ට ලගින්නට ය.
මෙවැනි සහගහන සංවිධානාත්මක ජාතික අපරාධවලට උඩගෙඩි දෙන, පැවිද්දනි, දේශපාලකයිනි, විනිශ්චයකරුවනි, ජාවාරම්කරුවනි, මාධ්‍යකරුවනි, ජඩ බල්ලනි,
තොපිට, ජාති ජාතිත් ශාප වේවා!

දර්ශන කරුණාතිලක