පවතින ආණ්ඩුක්‍රම ව්‍යවස්ථාවේ ස්වරූපය වෙනස් කිරීම, දාහත් වැනි සංශෝධනය ක්‍රියාත්මක කිරීම, මනාප ඡන්ද ක්‍රමය අහෝසි කිරීම, ජනාධිපතිවරණය සහ මහ මැතිවරණය එකම දිනෙක පැවැත්වීම, ආණ්ඩුවේ බලය අගමැතිට පැවරීම, ජනාධිපතිවරයාට ආරක්‍ෂක ඇමැතිකම පමණක් භාර දීම සහ ඥාති හිත මිතුරන්ට තනතුරු දීම අහෝසි කිරීම යන යෝජනා මේ අතර වෙයි. ඉදිරි ජනාධිපතිවරණයට පෙර මේ යෝජනාව පිළිගෙන කටයුතු නොකරන්නේ නම් පත්වන ආණ්ඩුවට පාර්ලිමේන්තුවේ තුනෙන් දෙකක බලය ලබා ගැනීමට සහයෝගය ලබා නොදෙන බවද අතුරලියේ රතන හිමියන් පවසා ඇත.
මේ සම්බන්ධයෙන් සාකච්ඡා කිරීමට බැසිල් රාජපක්‍ෂ සහ ඩලස් අලහප්පෙරුම යන ඇමැතිවරුන් අතුරලියේ රතන හිමියන්ගේ පන්සල වන 'සදහම් සෙවණ'ට ගොස් ඇති අතර එහිදී දෙපාර්ශ්වය පැය දෙකක සාකච්ඡාවක් පවත්වා ඇත. මේ ව්‍යවස්ථා සංශෝධන යෝජනා ඉදිරිපත් කිරීම ප්‍රමාද කරන ලෙස අදාළ ඇමැතිවරුන් රතන හිමියන්ගෙන් ඉල්ලා ඇතත්, එය පිළිගැනීමට උන්වහන්සේ කටයුතු කර නැති බව විශ්වාස කටයුතු ආරංචි මාර්ග සඳහන් කරයි. මේ අතර අදාළ යෝජනා පිළිනොගතහොත් ඇමැතිවරුන් සමඟ සන්ධානයක් පිහිටුවීම සම්බන්ධයෙන්ද සාකච්ඡා කර ඇතැයි වාර්තා වෙයි.
Post a Comment