කඹුරුපිටියේ ජනතාව රතිඤ්ඤා පත්තු කර කිරිබත් පාරට විසි කරති

කඹුරුපිටිය පොලිස් කොස්තාපල්වරයා සහ ඔහුගේ බිරිය ඝාතනය කළ ප්‍රධාන සැකකරු කැටයම් චින්තක නමැත්තා පොලිස් වෙඩි පහරකින් මියයෑමේ පුවත පැතිර යත්ම කඹුරුපිටිය උල්ලල ප්‍රදේශවාසීහු ඊයේ රතිඤ්ඤා පත්තු කරමින් කිරිබත් උයා පාරට දමමින් සතුට පළ කළහ.

ඔවුන් පිසූ කිරිබත් කවරවල දමා ගස් උඩ එල්ලමින් ගමින් ගමට යවමින් තම සතුට පළකළ බව පොලිසිය පැවැසීය.

ඝාතකයාගේ මළ සිරුර බාර ගැනීමට ඊයේ සවස් වනතුරුත් කිසිවකු ඉදිරිපත් වී නැත. මාතර රෝහලේ තැන්පත් කර ඇති. මළ සිරුර කඹුරුපිටිය ප්‍රදේශයට ගෙනයා නොහැකි තත්ත්වයක් උද්ගතව ඇතැයි පොලිසිය කියයි.