නොසන්සුන්කාරී වාතාවරණයට පෙර බන්ධනාගාර දෙපාර්තමේන්තුව සතුව ටී 56 හා ටී 86 වැනි ස්වයංක්‍රීය ගිනි අවි තිබී ඇති නමුත් එම සිද්ධියෙන් පසු ආරක්ෂක අමාත්‍යංශය එම ගිනි අවි ලබාගෙන ඒ වෙනුවට ලබාදී ඇත්තේ කල් ඉකුත්වූ අක්‍රිය තත්ත්වයේ පවතින රිපීටර් හා ෂොට්ගන් වර්ගයේ ගිනි අවි බවත් පැවැසේ.
එසේ ලබාදුන් රිපීටර් දහඅටක හා ෂොට් ගන් එකොළහක ක්‍රියාකාරීත්වය මැන බැලීම සඳහා බෝගම්බර බන්ධනාගාරය මඟින් කළ පරීක්ෂණයකදී අනාවරණය වී තිබෙන්නේ ඉන් ක්‍රියාකාරී තත්ත්වයේ තිබී ඇත්තේ රිපීටර් තුනක් හා ෂොට් ගන් එකක් පමණක් බවත්, එම ගිනි අවිද ආරක්ෂිත තත්ත්වයේ නොපවතින බවද වැඩිදුරටත් අනාවරණය වී ඇත.
දරුණු ගණයේ සිරකරුවන් සමඟ ගැවසෙන බන්ධනාගාර නිලධාරීන්ට මෙවැනි අනාරක්ෂිත හා අක්‍රිය ගිනි අවි ලබාදීම තුළින් එම නිලධාරීන්ගේ ජීවිතවලටද හානියක් මෙන්ම සිරකරුවන්ට ආරක්‍ෂාව සැපයීමද බරපතළ ගැටලුවක් බවද පැවසෙයි.
මේ සම්බන්ධයෙන් අදහස් දැක්වූ බන්ධනාගාර කොමසාරිස් ජනරාල් පල්ලේගම මහතා කියා සිටියේ ආරක්ෂිත ගිනි අවි ඉල්ලා ආරක්ෂක ලේකම්වරයාට ලිඛිතව දන්වා යවා ඇති බවත් බන්ධනාගාර දෙපාර්තමේන්තුවට සුදුසු අවි නිර්දේශ කර එවන ලෙස ආරක්ෂක අමාත්‍යංශ ලේකම්වරයා දන්වා ඇති බවත්ය.
Post a Comment