තම සුරතල් බල්ලා සමග නිරිත දිග ලන්ඩනයේ පුට්නි වීදියේ නැට්වෙස්ට් බැංකුවට පැමිණෙන පාරිභෝගිකයන් ඉලක්ක කරමින් වසර ගණනාවක් සිඟමන් යැදි සයිමන් රයිට් නම් මෙම පුද්ගලයා දිනකට උපයන පවුම් 200-300ක් පමණ වන මුදල අසල ඇති වෙළඳසැලකින් මාරුකරගෙන තමන්ගේ නිදන මල්ලද රැගෙන සවසට ෆුල්හැම් වීදියේ තම නිවසට යාමට පුරුදුව සිට ඇත.
බල්ලා සපාකනු ඇතැයි පාරිභෝගිකයන් බියට පත්කර ඔහු මුදල් උපයා ඇතැයිද සිඟමන් ලබා නොදෙන්නවුන්ට පරුෂ වචනයෙන් බැණ වැදී ඇතැයිද පැවසේ.
අධිකරණයට ඉදිරිපත් කිරීමෙන් පසු සමාජ විරෝධී හැසිරීම පිළිබඳ තීන්දුවක් යටතට ඔහු පත්කර තිබෙන අතර ලන්ඩනයේ කිසිදු ස්ථානයක සිඟමන් යැදීම තහනම් කර තිබේ. ලබන වසරේ මැයි මසට පෙර ඔහු මෙම කොන්දේසි බිඳ දැමුවහොත් වසර 5ක සිරදඬුවමකට හා දඩ මුදලකට ලක් වනු ඇත.
වසර ගණනාවක් තිස්සේ සයිමන්ට සිඟමන් ලබාදුන් ලන්ඩන වැසියෙකු මාධ්‍ය වෙත පවසා ඇත්තේ ඔහු ලබාදී ඇති පවුම් 20ක පමණ මුදල නැවත ලබා ගැනීමට හැකිනම් හොඳ බවයි.
Post a Comment