ඉන්දියාවේ මහාරාශ්ට්‍ර ප්‍රාන්තය ගව ඝාතනය තහනම් කරයි...!!!

ඉන්දියාවේ මහාරාශ්ට්‍ර ප්‍රාන්තයේ ගව ඝාතනය මෙන්ම, ගව මස් අලෙවිය හා පරිභෝජනය තහනම් කෙරෙන විශේෂ කෙටුම්පතකට ජනාධිපතිවරයාගේ අනුමැතිය ලැබී ඇති බව විදෙස් වාර්තා පවසයි.
ඒ අනුව, මින් ඉදිරියට මෙම නීතිය කඩන ඕනෑම අයෙකුට එරෙහිව දඩ මුදලක් හා වසර පහක් දක්වා සිර දඬුවම් නියම කිරීමක් සිදුවනු ඇති බවද කියැවෙයි.

ඉන්දියාවේ වෙසෙන බිලියන 1.2ක් වන ජනගහනයෙන් 80%ක් හින්දූන් වන අතර, ඔවුන් ගවයා පූජනීය වස්තුවක් ලෙස සලකයි.මේ තත්ත්වය තුළ ඉන්දියාවේ ප්‍රාන්ත කිහිපයකම ගව ඝාතනය තහනම් කර ඇති අතර, ගව මස් අලෙවිය හා අනුභවයද තහනම් කර තිබෙන්නේ ඒ කෙරෙහි හින්දූන්ගේ පූර්ණ ආශිර්වාදය ලැබෙන පසුබිමකය.