වහාම එංගලන්තයේ සිටින ශී‍්‍ර ලාංකික සිංහලයන්ගේ ආරක්ෂාව තහවුරු කිරීමට අවශ්‍ය පියවර ගන්නා ලෙස ලක් රජය බි‍්‍රතාන්‍ය රජයට බලකල යුතු යයි ජාතික හෙළ උරුමය පවසයි.නිවේදනයක් නිකුත් කරමින් එම පක්‍ෂය පවසන්නේ බි‍්‍රතාන්‍ය තුළ එල්.ටී.ටී.ඊ. සංවිධානය තහනම් සංවිධානයක් වුවත් එළි පිට නොබියව මෙවැනි කි‍්‍රයාකාරකම්හි නිරත වූයේ බි‍්‍රතාන්‍ය රජය හා බි‍්‍රතාන්‍ය ආරක්‍ෂක අංශ අනියම් ලෙස මොවුන්ට සහයෝගය ලබාදෙන නිසාවෙන් බවය එම නිවේදනයේ මෙසේද දැක්වේ.
බි‍්‍රතාන්‍යයේ සිංහලයින්ගේ ආරක්ෂාව තහවුරු කරනු
ඊයේ කාඩිෆ්හි පැවති ශී‍්‍ර ලංකා ඉන්දීය අවසන් පූර්ව ක‍්‍රිකට් තරගය අවසන් වීමට පෙර එල්.ටී.ටී.ඊ. හිතවාදීන් 200 ක පමණ පිරිසක් ඉතා කලහකාරී ලෙසත්, ප‍්‍රචණ්ඩ ලෙසත් හැසිරෙමින් ශී‍්‍ර ලාංකික සිංහල පේ‍්‍රක්‍ෂකයන්ට යකඩ පොලූ, මුගුරු භාවිතා කරමින් පහර දී ඇති බව මාධ්‍ය වාර්තා කර ඇත. තවද සිංහ ධජ පාගමින් එල්.ටී.ටී. ධජ ඔසවමින්, ශී‍්‍ර ලංකා විරෝධී පෝස්ටර් ප‍්‍රදර්ශනය කරමින් කී‍්‍රඩාංගනයට පැන තරගයට බාධා කිරීම් මොවුන් විසින් සිදුකර ඇත. ශ‍්‍රී ලංකාව හා ඕස්ටේ‍්‍රලියා දෙරට අතර, මීට පෙර දින පැවති තරගාවලිය අවසානයේද එල්.ටී. ටී. හිතවාදීන් මෙලෙස ශී‍්‍ර ලාංකික සිංහහලයින් ප‍්‍රකෝප කරවන ලෙස හැසිරිණි.මෙම අවසන් පූර්ව තරගයේදී එල්.ටී.ටී. හිතවාදී කි‍්‍රයාකාරකයින් ඉතා සංවිධානාත්මකව මෙවැනි කි‍්‍රයාකාරකම් සිදුකිරීමට සූදානම් වන බව තානාධිපති කාර්යාල හා බි‍්‍රතාන්‍ය ආරක්‍ෂක අංශ දැන සිටි මුත් මෙය වැලැක්වීමට නිසි පියවර නොගැනීම සම්බන්ධව බි‍්‍රතාන්‍ය රජයට මෙන්ම බි‍්‍රතාන්‍ය ආරක්‍ෂක අංශ වෙත අපගේ දැඩි විරෝධය හා අප‍්‍රසාදය පල කර සිටිමු. මෙම සිද්ධිය ඉතා බරපතල තත්වයකි. වහාම එංගලන්තයේ සිටින ශී‍්‍ර ලාංකික සිංහලයන්ගේ ආරක්ෂාව තහවුරු කිරීමට අවශ්‍ය පියවර ගන්නා ලෙස ලක් රජය බි‍්‍රතාන්‍ය රජයට බලකල යුතුය. බි‍්‍රතාන්‍ය තුළ එල්.ටී.ටී. සංවිධානය තහනම් සංවිධානයක් වුවත් එළි පිට නොබියව මෙවැනි කි‍්‍රයාකාරකම්හි නිරත වූයේ බි‍්‍රතාන්‍ය රජය හා බි‍්‍රතාන්‍ය ආරක්‍ෂක අංශ අනියම් ලෙස මොවුන්ට සහයෝගය ලබාදෙන නිසාවෙනි.
බි‍්‍රතාන්‍ය තුළ නැවත එල්.ටී.ටී කි‍්‍රයාකරකම් ඉතා සංවිධානාත්මකව හිස ඔසවමින් පවතින බව මෙයින් මනාව පැහැදිළි වේ. ශී‍්‍ර ලංකාව තුළ සිංහල ගම්මානවලට පැන මිනීමරු එල්.ටී.ටී. සංවිධානය සිදුකළ පහරදීම්, පළවා හැරීම්, ඝාතනය කිරීම් වැනි දෑ අද වෙනත් රටවල ජීවත් වන සිංහලයින්ට මුහුණදීමට, අත්විදීමට සිදුව ඇත. මේ සම්බන්ධව අප රටට අතපොවන ජාත්‍යන්තර නිරීක්‍ෂකයන්ගේ ඊනියා මානව හිතවාදීන්ගේ අවධානය යොමුවිය යුතුය. එල්.ටී.ටී. ක‍්‍රියාකාරකයින්ට මෙලෙස කි‍්‍රයාත්මක වීමට ඉඩදී බලා සිටීම හා එල්.ටී.ටී. කි‍්‍රයාකාරකයින්ට රැකවරණය ලබාදීම තුළින් යම් දිනෙක එම රටවලටද මොවුන් තර්ජනයක් වනු ඇත. එබැවින් මෙම තත්වය වහාම මැඩලීමට ජාත්‍යාන්තරය අවධානය යොමුකල යුතුය.
ශී‍්‍ර ලාංකික ක‍්‍රීඩකයන්ට තර්ජනය කරමින් ශී‍්‍ර ලාංකික සිංහල පේ‍්‍රක්‍ෂකයන් 15 කට ආසන්න පිරිසකට යකඩ, පොලූ භාවිතා කරමින් පහර දෙමින්, තුවාල සිදු කරමින් සිංහලයන්ට එරෙහිව සිදුකරන මෙවැනි දෑ මින් ඉදිරියට සිදුවීම වැලැක්වීමට අවශ්‍ය පියවර ගැනීමට බි‍්‍රතාන්‍ය රජය මෙන්ම ශී‍්‍ර ලංකා රජයේද තානාපති කාර්යාලයන්හිද වගකීමකි.
Post a Comment