පෙර දින කෙටි පුවත් එකතුව

මුතියංගන රජ මහා විහාරයේ පෙරහැර ඊයේ රාත්‍රියේ පැවෙත්වෙන අතර තුර පෙරහරේ ගමන් ගත් අලියෙකු කුලප්පු වීම නිසා ඇතිවූ කලබල කාරී තත්වය නිසා පෙරහැර බැලීමට පැමිණ සිටි පුද්ගලයින් 24 දෙනෙක් තුවාල ලබා බදුල්ල රෝහලට ඇතුලත් කර තිබේ පසුව කුලප්පු වූ අලියා නිර්වින්දනය කර තත්වය පාලනය කර ඇත.කාන්තාවන් 14ක්, පිරිමි 9 දෙනෙක් සහ කුඩා පිරිමි දරුවකුද තුවාල ලැබුවන් අතර වෙයි.

 කෝරතින ප්‍රදේශයේ පදිංචි කාන්තාවක් පිළිස්සුම් තුවාල ලබා ජාතික රෝහලේ ප්‍රතිකාර ලබමින් සිටියදි මියයාම සම්බන්ධයෙන් විමර්ශන ආරම්භ කර ඇති බව පොලීස් මාධ්‍ය අංශය පවසයි. 23 හැවිරිදි විවාහක කාන්තාවක් වන රණසිංහ අරච්චිලාහේ දිලිනිකා උදයංගනී පසුගිය 20 වැනිදා පිළිස්සුම් තුවාල ලබා ඇති අතර ඇය ප්‍රතිකාර ලබමින් සිටිය දී ඊයේ මියගොස් තිබුණි. පිළිස්සීමට හේතුව මෙතෙක් අනාවරණය වී නොමැති අතර මහේස්ත්‍රාත් පරීක්ෂණ හා පශ්චාත් මරණ පරීක්ෂණ අද දිනයේ සිදු කෙරෙන බව පොලීස් මාධ්‍ය අංශය වැඩි දුරටත් පවසයි.  

වෙසක් උත්සවය නිමිතිකොටගෙන කිසිදු සිරකරුවකුට මෙවර සමාවක් නොදුන් බව බන්ධනාගාර අමාත්‍යංශයේ ලේකම් පී.එස්. විතානගේ මහතා පවසයි.සුළු වැරැදිවලට සම්බන්ධ සිරකරුවන් පිරිසකට සමාව ලබාදීම පිළිබඳ සලකා බලන ලෙස තම අමාත්‍යංශය අධිකරණ අමාත්‍යංශයෙන් ඉල්ලීමක් කළද ඒ සඳහා අවසර නොලැබුණු බව ඒ මහතා පවසයි. නිදහස් උත්සවය වැනි ජාතික උත්සව අවස්ථාවක් හැරුණුකොට වෙනත් උත්සව අවස්ථාවන් හිදී මින් ඉදිරියට සිරකරුවන්ට පොදු සමාවක් ලබානොදීමට අධිකරණ අමාත්‍යංශය අවධානය යොමුකර ඇති බවද පැවැසේ.  

ජනාධිපති විමර්ශන ඒකකයේ බව කියන සහකාර පොලිස් අධිකාරිවරයකු පොලිස් පරීක්ෂකවරුන් දෙදෙනකු ඇතුළු පිරිසක් වනාවිල්ලුව ප්‍රාදේශීය ලේකම් සහ වනාතවිල්ලුව පොලිසියේ පිරිසක් ද යොදාගෙන මැර පිරිසක් ලවා සමාගම සතු දේපොළ කොල්ලකෑමට තැත්කරන බවට වනාතවිල්ලුව, මොරපතාව පාරේ, ග්‍රීන්ෆීල්ඩ් ප්ලාන්ටේෂන් ඩිවෙලොප්මන්ට් ඇන්ඩ් මැනේජ්මන්ට් (පෞද්ගලික) සමාගමේ සහ එම සමාගමේ පොල් වගා කිරීමේ ව්‍යාපෘතියේ කළමනාකාර එච්.ඒ. අමිල දිනේෂ් ගුණවර්ධන මහතා පොලිස්පතිවරයාට පැමිණිලිකර තිබේ. එම සමාගමේ සභාපති රොහාන් සමන් රත්නායක වෙනුවෙන් කළමනාකාර එච්.ඒ. අමිල දිනේෂ් ගුණවර්ධන මහතා පොලිස්පතිවරයාට ඉදිරිපත් කර ඇති පැමිණිල්ලේ තමා කළමනාකරු වශයෙන් සේවය කරනා ග්‍රීන්ෆීල්ඩ් පොල් වගා ව්‍යාපෘතියට අක්කර දහසකට පමණ ආසන්න පොල් වගා භූමියක් අයත් බවත් ජනාධිපති විමර්ශන ඒකකයේ සහකාර පොලිස් අධිකාරිවරයකු සහ පොලිස් පරීක්ෂකවරයකු බව කියන අයකු ඇතුළු කණ්ඩායමක් තම සමාගමේ සභාපතිවරයාගෙන් රුපියල් කෝටියක් (1,00,00,000) අල්ලස් ඉල්ලූ බවත් ඒ මුදල දීමට නොහැකි බව කී විට රුපියල් විසිපන් ලක්ෂයක් (25,00,000) ඉල්ලූ බවත් සඳහන් වේ.

 ඒ ඉල්ලීමද ඉටු කිරීමට නොහැකි වූ විට සහකාර පොලිස් අධිකාරිවරයකු යැයි කියන අයකුගේ ද සහායෙන් තම සමාගමේ සභාපතිවරයාගේ සහෝදරයා බොරු චෝදනාවකට අත්අඩංගුවට ගෙන අධිකරණයට ඉදිරිපත් කළ බවත් පෙන්නා දී තිබේ. ඉන්පසුව අල්ලස් ඉල්ලා නොදුන් තැන තමාගේ ව්‍යාපාරික ස්ථානයට මැරයන් එවා හිරිහැර කරන බවත් සේවකයන්ට හා තමාටත් තම සභාපතිවරයාටත් මරණ තර්ජනය කර පොල් වගා ව්‍යාපෘතිය කොල්ලකෑමට තැත්කරන බවත් එම පැමිණිල්ලේ සඳහන්ය. වනාතවිල්ලුව ප්‍රාදේශීය ලේකම්වරයාගේ ද සහායෙන් තම ව්‍යාපාරික ස්ථානය පවත්වාගෙන යෑමට නීත්‍යනුකූලව ලබාගත් ඉඩම් ආපසු ලබා ගැනීමට තැත් කරන බව පොලිස්පතිට යැවූ ලිපියේ සඳහන්ය. මැර කණ්ඩායම් තම පොල් වගා භූමියේ වැටවල් කඩා ඉඩම්වලට ඇතුළු වී සේවකයන්ට පහර දෙන බවත් මේ පිළිබඳ පොලිසියට කළ පැමිණිලිවලට යහපත් ප්‍රතිචාරයක් නැති බවත් පැමිණිල්ලේ දැක්වේ. රජයේ පූර්ණ තක්සේරුව අය කරගෙන ප්‍රධාන පත්‍ර මඟින් මධ්‍යම පාන්තිකයන් ලබාගන්නා ඉඩම හා වෙනත් සින්නක්කර ඉඩම් තම සමාගමෙන් හෝ තම ව්‍යාපාරය සම්බන්ධ ගැනුම්කරුවන්ගෙන් මිලට ගෙන ඉඩම් අක්කර 5 හෝ 10 හෝ කොටස් කර ගැනුම්කරුවන්ගේ ආයෝජනයෙන් පොල් වගාකර සංවර්ධනය කිරීම මේ ව්‍යාපාරයේ ස්වභාවය ලෙසද දක්වා තිබේ.එම වගා භූමියට එක් ප්‍රධාන සැකකරුවකු පසුගිය පෙබරවාරි 22 වැනිදා වාහන 3කින් මැර කණ්ඩායමක් කැටුව අවුත් ව්‍යාපාරික ස්ථානයේ ආරක්ෂක නිලධාරීන්ට තර්ජනය කර වැටවල් කඩා බලෙන් ඇතුළුවී හානි කිරීම ගැන 119ට සහ වනාතවිල්ලුව පොලිසියට පැමිණිලි කළ බවත් වනාතවිල්ලුව පොලිසිය එම පැමිණිල්ල ගැන කටයුතු නොකළ බවත් එම නිසා පැමිණිලි යළි 119ට කළොත් අත්අඩංගුවට ගෙන රිමාන්ඩ් කරවන බව වනාතවිල්ලුව පොලිසියේ පොලිස් පරීක්ෂකවරයකු තමාට තර්ජනය කළ බවත් එම පැමිණිල්ලේ සඳහන් වේ. මේ තත්ත්වයට හමුවේ අක්කර දහයක පමණ පොල් වගා භූමිය පාළුවට යන බවත් තමාගේ ආයතනයේ සභාපතිවරයා ඇතුළු සේවක පිරිසක් මරණ තර්ජන මැද ජීවත්වන බවත් පවසන ග්‍රීන්ෆීල්ඩ් ප්ලාන්ටේෂන් ආයතනයේ කළමනාකාර එච්.ඒ. අමිල දිනේෂ් මහතා මේ පිළිබඳ සහනයක් පොලිස්පතිවරයාගෙන් ඉල්ලා ඇත.චන්ද්‍රසේන මාරසිංහ ඉඩම් ප්‍රතිසංස්කරණ කොමිෂන් සභාවේ ඉඩම් බදුගත් බදුකරුවන්ගෙන් රුපියල් දෙසිය පහළොස් කෝටි අනූනව ලක්‍ෂ තිස් දෙදහස් නවසිය හතළිස් හයක් (රු. 215,99,32,946) කොමිසමට අයකර ගත යුතුව තිබේ. මේ බව පැවැසෙන්නේ රජයේ විගණකාධිපතිවරයා පාර්ලිමේන්තුවට ලබාදුන් වාර්තාවකිනි.ඉඩම් ප්‍රතිසංස්කරණ කොමිෂන් සභා ආරංචි මාර්ග පවසන්නේ ඉතා දීර්ඝ කාලයක් තිස්සේ මේ ණය ගැති ශේෂ පවතින බවයි. පසුගියදා රාජ්‍ය ගිණුම්කාරක සභාවේදී මේ පිළිබඳ සාකච්ඡා කෙරී ඇති අතර, ඉඩම් ප්‍රතිසංස්කරණ කොමිෂන් සභාව, රාජ්‍ය ගිණුම්කාරක සභාවට වාර්තා කර ඇත්තේ මෙවැනි ණය ගැති ශේෂ පිළිබඳ රාජ්‍ය ආයතන සමඟ දැනට සාකච්ඡා පැවැත්වෙන බවත් පවරා ගත් ඉඩම් නිවැරැදිව හඳුනාගත් පසු නිවැරැදිව ගිණුම් ගතකිරීමට කටයුතු කරන බවත්ය.