මෙතෙක් ලොව සොයාගත් විශාලත ම ජලජ කෘමියා චීනයෙන් හමුවූ බව පර්යේෂකයෝ කියති. පරිසරවේදීන් පවසන්නේ මේ කෘමියා ලොව විශාලත ම කෘමියා ද විය හැකි බවයි. තම සිරුරට වඩා විශාල පියාපත් යුවලකට හිමිකම් කියන මේ සත්ත්වයා මෙගලොප්ටෙරා පවුලේ අලුත්ම සාමාජිකයා ලෙස නම්කැර තිබේ.
චීනයේ සිචුවාන් පළාතේ චෙන්ජු ප්‍රදේශයේ කන්දකින් මේ කෘමියා හමුවූ බව පර්යේෂකයෝ කියති. මේ වර්ගයේ හොඳින් වැඩුණු සත්ත්වයකු පියාපත් දිගහැරිවිට දෙකෙළවර අඟල් 8.3ක් දිගැතිය.
මීට පෙර වාර්තා වී ඇති විශාලතම කෘමියා ලෙස සැළකෙන්නේ ඇමෙරිකාවේ සිටින දකුණු ඇමෙරිකානු හෙලිකොප්ටර් මැස්සා නැමැති සත්ත්ව විශේෂයයි. එම සත්ත්වයකුගේ පියාපත් දිගහැරි විට පියාපත් අතර දිග අඟල් 7.5 කි.
මෙගලොප්ටෙරා පවුලේ සාමාජිකයන් ගැන පර්යේෂණ සිදුකැර ඇත්තේ ඉතා සුළු වශයෙනි. මෙවන් කෘමියකු බිහිවීමේ ක්‍රියාවලියේ දී අවධි කිහිපයක් ගතකිරීම ජීවන චක්‍රයක් සම්පූර්ණ කරයි. මෙහිදී මේ නව විශේෂය පිළවකු ලෙස ඉතා දිගු කාලයක් ගත කරන බව ද පර්යේෂකයෝ කියති. මොවුන් වැඩුණු සතකු ලෙස ගතකරන කෙටි සුහුඹුල් කාලය ලිංගික ක්‍රියාවලියෙන් පසු අවසන් වේ.
හිස ඉදිරිපිස ඇති යෝධ අඬු දෙක (ඇන්ටෙනා) ආහාර ගැනීමේ දී භාවිතා නොකරයි. එය ගැහැණු සතුන් ආකර්ශනය කැර ගැනීමටත් සංසර්ගයේ දීත් උපකාරී කරගනී. පරිසරවේදීන් පවසන්නේ මේ ආකාරයේ කෘමීන් දරුණු ලෙස මිනිසුන්ට ද දෂ්ඨ කරන බවයි.
පිලා අවධිය සම්පූර්ණයෙන් ම ජලයේ ගත කරන මේ කෘමි විශේෂය පොකුණු, ගංඟා හා වගුරුබිම් ආශ්‍රිතව සිය ජීවිතය ගෙනයයි.
Post a Comment